Categories: AadaaAfaan Oromoo

ANI DHIISEE HAASAWA DHAMAAYYUU

An dhiisee haasawa dhamaayyuu

Osoo dhiifnee nu hunduu bar hayyuu

Ittuma dhiisuu isiniif hin wayyuu?

Kijibdee ammas olii gad dhayuu

Bar kun afaanumaa bushaayuu!!

Bushaayuu hadhaayuu!!!!!!!!!

Raajii waan ajabaa…………….

Waan kana mee taajjabaa

Bineensuu sila waa beekaa

Waas karaa akeekaa

Bullaallaa adi dhufee narra maraa

Sila waan achirraa baru jiraa?

Beekaan bar waa raagaa

Achi laalee waa argaa

Maalimmoo bukeessuu

Eessatti bilcheessuu

Eennullee nyaachisuu

Hollaaltuun laaftuu yuuyyaa

Of buuftii hallayyaa!!!

Moo maali?

Mee atuu maalali

Garuu bullaallaan adiin nagayaa

Araara osoo buufnee maal tayaa?

Bullaallatuu nama caalee

Nami maa of wallaalee?

Raajii ajabaa…………………

Mee isinis taajjabaa!!!

Ani dhiisee bar lola

Lolli ana qofaaf waa tolaa!

Isiniif tola moo balaa????????

Isinis waan kana tolchaa laalaa

Humna qabeessis bar kufuu ni malaa

Jiruuf nagayatuuyyi falaa

Maaf taatuu natti halaalaa

Raajii, ajabaa…………….

Mee isinis taajjabaa!!!

Bineensuu kunoo waa himaa

Kun hundaaf ajabaa, raajimaa!!

Namni maaf tahee hagas hamaa?

Mee maalumas jedhamaa?!

Raajii raajii…………….

Sila hin nyaatee banjii?

An dubbii keessan itti dhiisee

Faallaa hojjachuun maaf na barbaachisee?

Faallaatu  kuffisaa dharri haa dhagayuu

An galataa ammas homaa hin tayuu!!!

Dubbii faallaa an ittillee dhiisee

Barariinsi bullaallaattu na hubachiisee!!

Diddanii diddanii, jechi koo hadhaayaa

Isin harcaasaa isin lafaan dhayaa

Balaan isin fiddan isin qilee kaayaa

Bullaalla nama caalee

Namni kunoo of wallaalee!!!!!!!!!!!!!!!!!

Maali namni yaraan, maali inni dharaa

Ofumaa hojjatee gidiraa

Nama ammoo balleesseef abaaraa

An ammas kunoo jedhee araaraa

Garuummoo saba bakka bu’ee iyyaa

Deebisaa gaaffii saba kiyyaa

Diddan sabni lafaan isin dhayaa!!!!!!!

Raajii raajii…………………………

Kan dharri nyaatee banjii!!!!!!!

 

Gamteessaa Sabaa

bilisummaa

Recent Posts

Koree raawwachiiftuu ajeechaaf Oromiyatti ramadamte

Koreen dhoksaan ajjeestuu maqaa nageenyaatiin MNO keessatti Mummicha Ministeeraatiin hundaa'ee fi Obbo Shimallis Abdiisaatiin kan…

1 month ago

Iccitii hidhamuu Obboo Battee Urgeessaa

Haabtaamuu Tasfaayetiin: Tibba darbe kana mariin Paartilee siyaasa Oromoo jedhu kan kanaan dura bara cee’uumsaa…

1 month ago

Godina Baalee: galgala ar’aa magaalaan Roobee balaa ibiddaatiin qabeenyi hawaasa bal’aa hedduun barbadaawe.

Galgala sa’aatii 2:00 (8:00) irratti balaan kun naannoo Buufata durii (Aroge-Mannahaaraa) jedhamu,Masjidannuur cinatti suuqii fi…

1 month ago

Gadaan gujii abbaa gadaa 75ffaa argate

Ofii Abbootii Gadaa 74 baallii waliif dabarsaa asiin geessisan beektu? Haala duudhaa isaa eeggateen waggoota…

1 month ago

Oromiyaan ganna shan guutuu waraanan hunkuramaa jiraatuu namuu ni hubata

Ijoollee Wareegamtootaaf Jecha ...  Nagaa Bara ammaa silaa martuu bakka maratti muldhata. Oromiyaan ganna shan…

4 months ago

Abiy Ahmed’s erecting Memorial Statues for genocidists of the Oromo for Menelik II and Haile Selassie

December 10, 2023 Leenjiso Horo    This article addresses the issue of the Oromo failure to…

4 months ago