Categories: AadaaOduu Oromiyaa

MAAL KOLFA DHALOONNI ?

Yommuun wal bira qabee

Yaadaan taajjabee ilaalu,
Kolfi dargaggoo ammaa
Kan beera durii hin caalu.
Berri durii yommuu kolfitu:qas..qas..qaaaaaas..qas..
Dargaggeessi ammaa immoo: ihim..ihiii..hehe…hihii..
Jedhee ukkaamama
Akka waan waa dheekkamuu,
Ni kolfaafi ni boo’aansaayyu
Adda ba’ee hin beekamu.
Kun maaliif ta’e ? jedhee
Gaafan xiinxalu garuu,
Dhaloonni kolfa hin jibbine
Wanta kolfantu hin jiru.
maal kofa…..?
Addunyaa burjaajja’ee
Hundeen raafamaa jiru,
Cilaattii cabbii ta’ee
Cabbii cilaatta’eeru,
Dilbii sobaan tuulamee
Samii cinaa ga’eeru.
Kan obboleessi du’aaf
Obboleessa isaa gonfu,
Kan firri galagalee
Boojjitoodhaan wal horfu,
Walii galtee manca’ee
Diiggaadhaan dhaalameeru
Hiibboo cirracha ta’ee
Hiikkaan wallaalameeru…
Maal kolfa…..?
Bara aadaan manca’ee
Safuunis duguugame,
Bara saggoon ulfinaa
Salphinaan haguugame,
Silmii dhiiga xuuxuudhaaf
Sababaa tarreeffatu,
Dhiira dhiira fuudhuudhaaf
Xalayaa barreeffatu,
Durba ‘qullaan deema’ jettee
Gaaffiidhaaf lafaa kaatu,
Jaartii qoloo jibbitee
Paantiidhaan gabaa baatu,
Bara jibbi kuntaalaa,
Bara jaalalli kaasuu,
Bara qilleensi xiqqoon
Birbirsa guddaa raasu…
Maal kolfa…?
Kan gaaftokko wajjin nyaatetu
Gaafbiraa immoo wal nyaata,
Raammoon amma arbaa geenyaan
Arbi raammoo fakkaata,
waliif yaaduun ulfaannaan
ofittummaan onnata,
Muraasni lafa dhiinnaan
Kumaafi kitilli ollata,
Inni kaan as fakkaata
Inni kaan biraan duuba,
Kaan dhimma isa hin galchine,
Akka abbaa dhimmaa dhuuba,
Tulluun fulleetti ilaalan
Yoo itti siqan hurriidha,
Wanti damma fakkaatus
Yoo dhamdhaman furriidha
Icciitiin mucucatee
Oduuf gadhiise bakka,
Maaddii tokkorraa nyaatee,
Abbaafi ilmatu walshakka,
Balballi banaatti hafnaan
Diinqa guutte saroonni,
Dachee quraanqurxatte
Maal haa kolfu dhaloonni ?…….

ADARAA SHARE GODHAA!!!!!!!!
—————————————-
KITABAA “MAAL KOLFA DHALOONNI MAXXANSA 2FFA( LATAA QANA’II )
Maxxansa 2ffaa Kitaaba kanaa kan raabsu-Mana Kitaabaa Elellee
Teessoon: Finfinnee buufata Awutoobusii fuuldura

bilisummaa

Recent Posts

Koree raawwachiiftuu ajeechaaf Oromiyatti ramadamte

Koreen dhoksaan ajjeestuu maqaa nageenyaatiin MNO keessatti Mummicha Ministeeraatiin hundaa'ee fi Obbo Shimallis Abdiisaatiin kan…

1 month ago

Iccitii hidhamuu Obboo Battee Urgeessaa

Haabtaamuu Tasfaayetiin: Tibba darbe kana mariin Paartilee siyaasa Oromoo jedhu kan kanaan dura bara cee’uumsaa…

1 month ago

Godina Baalee: galgala ar’aa magaalaan Roobee balaa ibiddaatiin qabeenyi hawaasa bal’aa hedduun barbadaawe.

Galgala sa’aatii 2:00 (8:00) irratti balaan kun naannoo Buufata durii (Aroge-Mannahaaraa) jedhamu,Masjidannuur cinatti suuqii fi…

1 month ago

Gadaan gujii abbaa gadaa 75ffaa argate

Ofii Abbootii Gadaa 74 baallii waliif dabarsaa asiin geessisan beektu? Haala duudhaa isaa eeggateen waggoota…

1 month ago

Oromiyaan ganna shan guutuu waraanan hunkuramaa jiraatuu namuu ni hubata

Ijoollee Wareegamtootaaf Jecha ...  Nagaa Bara ammaa silaa martuu bakka maratti muldhata. Oromiyaan ganna shan…

4 months ago

Abiy Ahmed’s erecting Memorial Statues for genocidists of the Oromo for Menelik II and Haile Selassie

December 10, 2023 Leenjiso Horo    This article addresses the issue of the Oromo failure to…

4 months ago