Ragaa guutuu qabna
Waan hojiin godhame
Karoora Abbaa irreetin
Ittuma yaadamee
Qilleensaaf lafoodhaan
Namni keenya dhumee,
“Balaa Tasa ga’een ”
akkamiin jedhame?
Konkolaataan korre
yookaanis xayyaara,
Nuti Doonii hin yaabne
amna bishaanirraa,
Nagaan irreeffachuuf
Hora harsadee jirraa
Balaan akka tasaa
eessan gahe nurra?
Baranan dhagahe
Dubbii ajaa’ibaa,
Ijji nu imimmaani
garaan madaa qaba
Nama nujjeesetu
siidaa numaaf dhaabaa?
Warra gumaa irraa
nu humaan eeggannu
Balaa tasaa jechaa
Maaf dhaaban yaadannoo
Tuni nuuf salphinaa
Wayyaanef dhaadannoo.
Keessa keenyan barreef
diinni nutti qoosa
Qawween duguugamnee
maali dubbiin tasaa?
Nuut tolchee dhaabbataa
Waan Tasaa buqqisaa.
Ambayyoo dammaqaa
Iyyaa waliif labsaa
Jecha Tasa ” jedhutti
dhimma bahuun isaa,
Shiraaf kaayyoo diinaa
gad fageenyaan ibsa.
Yakkamaas ni beeyna
Gamtaan dhabnes lubbuu,
Osoo namni keenya
gaddee isaan jibbuu,
Harka dhiiga qabuun
Dhaaban siidaa Cubbuu.
Eeggachuun dirqama
Waan seenaa jallisaa,
Beekaa ajjeesanii
Je’an balaa tasaa,
Aboo Tapha dhiisaa,
Seenaa nuuf sirreessaa!!
————————–
Munawar Ahmed Siraj
Hagayya 27/17
Koreen dhoksaan ajjeestuu maqaa nageenyaatiin MNO keessatti Mummicha Ministeeraatiin hundaa'ee fi Obbo Shimallis Abdiisaatiin kan…
Haabtaamuu Tasfaayetiin: Tibba darbe kana mariin Paartilee siyaasa Oromoo jedhu kan kanaan dura bara cee’uumsaa…
Galgala sa’aatii 2:00 (8:00) irratti balaan kun naannoo Buufata durii (Aroge-Mannahaaraa) jedhamu,Masjidannuur cinatti suuqii fi…
Ofii Abbootii Gadaa 74 baallii waliif dabarsaa asiin geessisan beektu? Haala duudhaa isaa eeggateen waggoota…
Ijoollee Wareegamtootaaf Jecha ... Nagaa Bara ammaa silaa martuu bakka maratti muldhata. Oromiyaan ganna shan…
December 10, 2023 Leenjiso Horo This article addresses the issue of the Oromo failure to…