Oduu Oromiyaa

Ajajaa olaanaan ABO-WBO Marroo Dirribaa mariin nageenyaa ABO-WBO fi mootummaa Itoophiyaa gidduutti taasifamu hanga dhuma baatii kanaatti akka itti fufu himan

Ajajaa olaanaan ABO-WBO Marroo Dirribaa mariin nageenyaa ABO-WBO fi mootummaa Itoophiyaa gidduutti taasifamu hanga dhuma baatii kanaatti akka itti fufu himan

Ministirri muummee Abiy Ahimad mariin nageenyaa gartuulee lameenii har’a akka jalqabu dheengadda himanii turan.

Jiilli gartuulee lameenii gara Taanzaaniyaatti imaluunis ibsameera.

Ministirri muummee Abiy Ahmad Dilbata Ebla 23, 2023 Waraana Bilisummaa Oromoo waliin Taanzaaniyaatti mariin eegaluuf kan jiru ta’uu dubbatanii turan.

ABO-WBOnis ibsa baasuun mariin akka jalqabamu mirkaneesse.

Dhimma marii nageenyaa ilaalchisuun yaada kan kennan ajajaa olaanaan ABO-WBO Marroo Dirribaa marichi bakka qaamni sadaffaan argametti adeemsifamaa jedhan.

Marrooon marii kana irraa maal eegdu gaaffii jedhu BBCn gaafateef, ‘’karaa gaaffii siyaasa Oromoo deebisuu danda’uun’’ waliigaltee nagaa irra gahuuf qophii tahuu himan.

Kanaan dura marii wal fakkaatuuf jila isaanii Keeniyaatti erganii mootummaan Itoophiyaa irraa hafuu kan himan Marroon, gaaffiin siyaasaa Oromiyaa keessaa fi Tigiraay keessaa waan wal hin fakkaanneef akka kan Tigiraay sanatti yeroo gabaabaatti dhumata jennee garuu hin eegnu jedhan.

‘’Nagaa buusuuf waan sharafan jiraachuu mala, garuu gaaffii bu’uuraa sana miti. Gaaffii uummata Oromoo namni lamaafi sadii taa’ee kan murteessee biraa deemu miti. Wal bira teenyee mari’annee furmaata arganna yoo tahe akka sabaatti Oromoonis keessaa qooda qaba.’’ jedhaniiti jiru.

Gama tokkoon abdii akka qaban himanii, gama biraan ammoo waan bara 1991 fi 2018 irraa ka’uun ‘’ija shakkinis ilaalla’’ jechuun ajajaan olaanaan WBO Marroo Dirribaa dubbataniiru.

ABO-WBOn ibsa tibbana baase keessatti mootummaan Itoophiyaa gaaffii bakka qaamni 3ffaan walaba ta’e jirutti iftoominaan mari’nna jenne dubbanne san fudhateera jedhe.

Murtoo kanarra ga’amuun isaa adeemsa Oromiyaatti nagaa waaraa buusuuf yaadameef tarkaanfii murteessaadha jedhee jira.

Haata’u malee, mootummaan jecha “Shanee” jedhuun isa waamuun sirrii akka hin taaneefi fudhatama kan hin qabne ta’uu kan ibse Waraanni Bilisummaa Oromoo, dhimma sirrachuu qabu ta’uu hubachiiseera.

“Maqaan dhaaba keenyaa Waraana Bilisummaa Oromoo kan jedhudha. Kanaaf, maqaaa biraa kamiiniyyuu waamuun sirrii kan hin taaneefi eenyummaafi kaayyoowwan keenya akka hin taanetti ilaaluuf yaaludha,” jechuun mootummaan maqaa ‘Shanee’ jedhee waamuu akka dhaabuuf gaafateera.

Walitti bu’insa waggootaaf tureen booda ministirri muummee Itoophiyaa Abiy Ahimad Waraana Bilisummaa Oromoo waliin wal dhabdee jiru marii nagaan xumuruuf qophii tahuu himanii, qaamni ilaallatu hunduu nageenya uummataaf jecha gahee isarraa eegamu bahuu qaba jedhan.

Ministirri muummee Abiy Ahmed sagantaa waraanni Yaa dhaabbatu, nageenya yaa Waaressinu jedhuun qaamolee waraanni kaabaa dhaabbatee nagaan akka bu’u gumaachan galateeffachuufi beekamtii kennuuf Finfinnee Paarkii Michuummaatti qophaa’erratti nageenya dhimmanii barbaaduufi irratti hojjechuun barbaachisu cimsanii dubbataniiru.

”Nageenyii akkasumaan kan dhufu miti, dhamaatiifi gootummaadhaan dhufa,” jedhan ministirri muummichaa.

Source: OMN

bilisummaa

Recent Posts

Oromiyaan ganna shan guutuu waraanan hunkuramaa jiraatuu namuu ni hubata

Ijoollee Wareegamtootaaf Jecha ...  Nagaa Bara ammaa silaa martuu bakka maratti muldhata. Oromiyaan ganna shan…

2 months ago

Abiy Ahmed’s erecting Memorial Statues for genocidists of the Oromo for Menelik II and Haile Selassie

December 10, 2023 Leenjiso Horo    This article addresses the issue of the Oromo failure to…

2 months ago

Ethiopian Empire: Socialism and Federalism as Schemes to Avert its Breakup

November 10, 2023 Fatansaa Sulee Shogodoo    The interest of this article is not to do…

3 months ago

OROMO CIVILIANS CONTINUE TO BE TARGETED BY FANO MILITIA

Amhara Fano continued to attack Oromo civilians. In this latest incident, at least 17 people…

3 months ago

The Impact of Slogan Change on the Oromo People’s Struggle for Independence

Deebitee Kootee Bilisoo October 25, 2023     Note that a political slogan stands for a cause.…

4 months ago

Fano: The Anti-Oromo Amhara fascist Paramilitary Extremist Militia Organization

October 17, 2023 Mallisee Fatansaa Sulee    Recently, a chorus of diaspora Amhara social media, the…

4 months ago