Kabajamtoota lammiilee Oromiyaa falmaa haqa abbaa biyyummaa irra jiran maraaf.
Akkuma beekkamu falmaan FXG xumura bara 2015 dhoohe guyyaarraa gara guyyaatti cimuun guutuu Oromiyaa keessatti belbelaa jira. Gaaffiin ummata Oromoo gaffii sirrii kan ummata hunda ilaallatu tahuun isaa waan hubatameef gara ummattoota ollaa Oromiyaa hunddatti dambalii isaa dhangalaasaa jira.
Hata’uu malee gochaan hujii farrummaa shanhii keenya duguuguuf TPLF ummata keenyarratti hojjatu garmalee hammaataa dhufe. Keessumattuu gochaan badii torban kana keessa qeeyroo baha Oromiyaa Awwadaay irratti raawwatameef gadda cimaa keessa jirra. Osoo tahuu kan falfannee irratti wareegamnu kun haqa keenya waan taheef ittiin boonna. Dhiiga lammiilee keenya guutuu Oromiyaa keessatti beneensa warra kaabaa agaammee tigraayiin dhangala’e hunda bilisummaa guutuufii Walabummaa Oromiyaa bakka buusuuf qabsoon keenya itti fufa. Dhalgalaun dhiiga lammiilee keenyaa diinummaa sirna kanaa caalatti mul’isee qabsoo gamaataaf kan nuhiriirsu tahee jira. Kanaafiis hiriirri gamtaa kan biyyoolessa Oromiyaa akka waliigalaatti guutuu Oromiyaatti labsamee jira. Kanaaf ummanni keenya haga guyyaa murame kanaatti labsa waliif dabarsuufii yeroo guyyaan gahettis tooftaafii tarsimoo filatame hordofuun dhaadannoolee qopheeffatan qabatanii walfaana hiriiruun akkaan barbaachisaadha. Guyyaa tokkicha, Za’aa fii daqiiqaa walfakkatu keessatti guutuun ummata Oromiyaa bakka takkaa hiriiruun galaana humna diinaa maagaddatti deebisnee dadhabsiisuuf hedduu kan nugargaaru taha. Dhageeytii sagalee keenyaafiis bu’aa guddaa qabaata. Lubbuu turtuus, Sodaannee teenyuus du’a hinoolleef qaawa walitti banuun xurii seenaa nutti taha. Kana ta’uu hubannee ganddarraa haga kutaaleetti sochii walfakkaataafii cufamaa taheen wal utubuun dirqama lammiilee Oromiyaa maraati.Carraa kanaan hojjattoota mootummaa, poolisiin, hidhattonni gandaa hundi ummata isaanii faana akka hiriiran dhaamsa lammummaa dabarfanna. Kanneen ummata irraa dhalatan buruus isaan awwaalu bira dhaabbachuu dabbuuniis yoo jiraate diina waliin dhaabbatanii saba isaanii ajjeesuu irraa dhaabuu akkaan barbaachisaadha .
Gumaan wareegamtoota keenyaa walabummaa oromiyaa akka ta’u fedhii waaqaatiin hin shakkinu.
Gootowwan wareegamaniif jannata, kan madaawniif fayyaa shaffisaa, maatii isaaniitiif jajjabina, Biyya teenya Oromiyaaf Walabummaa guutuu hawwina .
TOKKUMMAN HUMNA!
OROMIYAAN NIWALABOOMTI!
August 2/8/2016
Raajii Birmajii
Koreen dhoksaan ajjeestuu maqaa nageenyaatiin MNO keessatti Mummicha Ministeeraatiin hundaa'ee fi Obbo Shimallis Abdiisaatiin kan…
Haabtaamuu Tasfaayetiin: Tibba darbe kana mariin Paartilee siyaasa Oromoo jedhu kan kanaan dura bara cee’uumsaa…
Galgala sa’aatii 2:00 (8:00) irratti balaan kun naannoo Buufata durii (Aroge-Mannahaaraa) jedhamu,Masjidannuur cinatti suuqii fi…
Ofii Abbootii Gadaa 74 baallii waliif dabarsaa asiin geessisan beektu? Haala duudhaa isaa eeggateen waggoota…
Ijoollee Wareegamtootaaf Jecha ... Nagaa Bara ammaa silaa martuu bakka maratti muldhata. Oromiyaan ganna shan…
December 10, 2023 Leenjiso Horo This article addresses the issue of the Oromo failure to…