Jalqabni waa maraa maquma Rabbiitii
Alhamdulillah galanni kan isaati
Kan nu jiraachisu baraa fi baratti
Nagayaaf raahmanni Rassuula irratti
Yoomuu haa jiraatu hanga dhumaatitti
Isa nu hiriirse karaa haqaatitti
Assalamualeeykum! obboleeyyan amantii.
Ergan kana jedhee tan aantutti yaanaa
Ji’a kabajamaa rizqii fi iimaanaa
Hawwii ji’a hedduu mu’umintittiif mu’uminaa
Baga ittin isin gahe baatii Ramadaanaa!
Kan asiin nu gahe mooticha ol’aanaa
Alhamdulillah yaa Allah! galata galfanna.
Baatii hunda caaltu tan arguuf dharraane
Arra kunoo dhuftee hamileen simannee
Muslimtoonni hundi baga gammaddanii walumaan gammanne!
kan Muslimni hundi caalatti wal gahu
Ibaadaa irratti kan namuu bobbahu
Namni dalagate kan itti milkaahu
Soomana gaarii nu hundaaf haa tahu
Rabbiin nu haa godhu warra bakkaan gahu.
Kan itti gammannu xiqqaadhaa fi guddaan
Dubraa fi dardarri manguddoo fi haawwan
Abooradee hamdi, baga ittiin geessan!!
Ji’a balbalti azaabaa cufamtu
Ji’a balbalti Jannataa banamtu
Ji’a qabaataan rakkataa yaadatu
Ji’a kan soomaneef ajriin katabamtu
Ji’a kan wal lole itti wal araarfatu
Dhiifama waliif godhaa afooynaa-aafooytu.
Nagayaan hidhannee nagayaan nu haa fursiisu
Warra irraa milkaa’u nu hunda haa taasisu
Diilii daleeynellee Gooytaan nuuf haa dhiisu
Jannatuma isaatiin nu haa qananiisu!!
Jannatuma isaatiin nu haa qananiisu!!
Najiib Zannuun
Koreen dhoksaan ajjeestuu maqaa nageenyaatiin MNO keessatti Mummicha Ministeeraatiin hundaa'ee fi Obbo Shimallis Abdiisaatiin kan…
Haabtaamuu Tasfaayetiin: Tibba darbe kana mariin Paartilee siyaasa Oromoo jedhu kan kanaan dura bara cee’uumsaa…
Galgala sa’aatii 2:00 (8:00) irratti balaan kun naannoo Buufata durii (Aroge-Mannahaaraa) jedhamu,Masjidannuur cinatti suuqii fi…
Ofii Abbootii Gadaa 74 baallii waliif dabarsaa asiin geessisan beektu? Haala duudhaa isaa eeggateen waggoota…
Ijoollee Wareegamtootaaf Jecha ... Nagaa Bara ammaa silaa martuu bakka maratti muldhata. Oromiyaan ganna shan…
December 10, 2023 Leenjiso Horo This article addresses the issue of the Oromo failure to…