Categories: Oduu Oromiyaa

Qondaalli Paartii Kongreensii Federaalawa Oromoo tokko mana hidhaa miliquun Awurooppaa seenan.

OMN:Oduu 04,2015 Obboo Abdallaa Qaasim, Dorgomaafi bakka bu’aan Paartii kongrensii fedaraala Oromoo godina Hargee Bahaafi Lixaa mana hidhaatii miliquun biyyaa bahan. Obboo Abdallaan gammoojjii Saharaa fi galaana meditraaniyaanii keessa ce’uun Awuroppaa seenaniiru.
Obbo Abdallaa Qaasim, osoo gara qabsoo paartii KFOtti hin makamiin duratti, waggoottan kudhaa lamaaf hojii poolisummaa hanga qondaalummaatii fi waggoottan sadiniif hojii hoggansaa aanaaleerra hojjataa erga turaniin booda, dhiibbaa mootummaan namoota aantummaa uummataa qabanirraan geessisuurraa kan ka’een, hojii mootummaa dhiisanii qabsoo uummatatti makaman.
Obbo Abdallaan Filannoo baranaa Itoophiyaa keessatti adeemsifameerratti godinaalee Harargee bahaafi Lixaa keessatti Paartii KFO bakka bu’ummaafi dorgomuun hojjachaa turan. Akka isaan jedhanitti, “hujii mootummaa dhiisanii hujii dhuunfaa jalbulle, qabsoo uummaataatiif fala waan hin taaneef, gara paartii KFOtti dabalamuun uummata aanaalee 16 ijaarree mootummaarraa gara galchine” jedhan.
Obbo Abdallaan, ilaalchaa fi ijjannoo siyaasaa isaaniitiif erga doorsifamanii booda, qabamanii mana hidhaa seenanii, achittis dararaa fi reebichi hamaatu irra gahaa ture.Sana booda odoo Mana murtiitti isaanii dhiheessaa jiranii, daandiirratti mana nyaataa keessatti harkaa miliquun biyyaa akka bahan OMN tti himaniiru.
Obbo Abdallaan erga biyyaa bahaniin booda, mootummaan haadha manaa isaanii reebuudhaan ulfa garatti waan miidheef, dahumsarratti sababa sanaan lubbuun isii darbuu gaddaan nuuf ibsaniiru.
Mootummaan Woyyaanee karaa nagaatiin aangoo gadi dhiisuun abjuu waan ta’eef, falli jiru qabsoo hidhanoo jabeessuudha kan jedhan Obbo Abdallaan,Oromoon moora tokkotti deebi’uun akka irra jiraatuufi uummanni Oromoolle iddoo jiruu tokkummaan hafuursee akka ka’uu qabu dhaamaniiru.

Gabaasaan Daani’eel Bariisoo Areerii ti.

bilisummaa

Recent Posts

Koree raawwachiiftuu ajeechaaf Oromiyatti ramadamte

Koreen dhoksaan ajjeestuu maqaa nageenyaatiin MNO keessatti Mummicha Ministeeraatiin hundaa'ee fi Obbo Shimallis Abdiisaatiin kan…

1 month ago

Iccitii hidhamuu Obboo Battee Urgeessaa

Haabtaamuu Tasfaayetiin: Tibba darbe kana mariin Paartilee siyaasa Oromoo jedhu kan kanaan dura bara cee’uumsaa…

1 month ago

Godina Baalee: galgala ar’aa magaalaan Roobee balaa ibiddaatiin qabeenyi hawaasa bal’aa hedduun barbadaawe.

Galgala sa’aatii 2:00 (8:00) irratti balaan kun naannoo Buufata durii (Aroge-Mannahaaraa) jedhamu,Masjidannuur cinatti suuqii fi…

1 month ago

Gadaan gujii abbaa gadaa 75ffaa argate

Ofii Abbootii Gadaa 74 baallii waliif dabarsaa asiin geessisan beektu? Haala duudhaa isaa eeggateen waggoota…

1 month ago

Oromiyaan ganna shan guutuu waraanan hunkuramaa jiraatuu namuu ni hubata

Ijoollee Wareegamtootaaf Jecha ...  Nagaa Bara ammaa silaa martuu bakka maratti muldhata. Oromiyaan ganna shan…

4 months ago

Abiy Ahmed’s erecting Memorial Statues for genocidists of the Oromo for Menelik II and Haile Selassie

December 10, 2023 Leenjiso Horo    This article addresses the issue of the Oromo failure to…

4 months ago