Ilmaan Oromoo hedduun daa’immaan guddifachuuf jecha osoo hin fedhin mootummaa kanaan mindeeffamanii hojjachaa jiraachuun ni beekama.Maddi galii isaanii mootummaa waan ta’eef garaan isaanii qabsoo Oromoo bira osoo jiruu ifatti bayanii mormuuf ni rakkatu. Kana jechuun garuu tooftaan osoo hojii ofii hin gaaga’inif hirmaannaan isaanii irratti hin beekamin qabsoo keessatti ittiin hirmaatan hin jiru jechuu miti. Tooftaalee hojjattoonni waajjiroota sirna abbaa irree keessa hojjatan qabsotti hirmaataniin keessaa tokko hojii laaffisuu ( procrastination) dha. Fakkeenyaaf gaafa nagayaa barreessittuun ( secretary) takka waraqaa fuula lamaa barreessitee fixuuf sa’a takka yoo itti fixe amma harkifachuun sa’a lama tursiisuu. Shooferri waajjira mootummaa tokko Finfinneerraa meesha fe’ee Adaabbaa dhaquuf guyyaa tokko yoo itti fudhate, sababa uumee karaa buluun guyyaa lama balleessuudha. Yookin ammoo waan hojjatanirratti dogongoroota hoojii hinqisan uumaa deemuunis tooftaa biraati. Dubbiin isiniif galtee mii?
Kun akkamiin mootummaa miidha seetan. Mootummaa jechuun akka makiinaa fe’iinsaati. Biyya cunqursee bulchuudhaaf goommaan, buloonni, mariin, maarshiin, daaw’itiin hundi akka tolfamanitti hojjachuun dirqama. Biloonni keessaa laaffataa yoo deemu, goommaan yoo uratu, mariin yoo goggogu makiinaan sirnaan deemuu dadhaba, boodas dhhabbata ykn harca’a. Mootummaanis ummata cunqursuuf hojjattooni saffisaafi haala barbaachisaa ta’een dalaguun murteessaadha. Kun ta’uu baatee hojjataan bakkuma jiru waan itti jiru yoo laaffise, humni sirnichi itti biyya cunqurse bulchu laafaa deema.
Tooftaan kun bu’a qebeessa yoo ta’u hirmaattota miidhaaf hin saaxilu ( effective and low risk tact) jedhama.
Koreen dhoksaan ajjeestuu maqaa nageenyaatiin MNO keessatti Mummicha Ministeeraatiin hundaa'ee fi Obbo Shimallis Abdiisaatiin kan…
Haabtaamuu Tasfaayetiin: Tibba darbe kana mariin Paartilee siyaasa Oromoo jedhu kan kanaan dura bara cee’uumsaa…
Galgala sa’aatii 2:00 (8:00) irratti balaan kun naannoo Buufata durii (Aroge-Mannahaaraa) jedhamu,Masjidannuur cinatti suuqii fi…
Ofii Abbootii Gadaa 74 baallii waliif dabarsaa asiin geessisan beektu? Haala duudhaa isaa eeggateen waggoota…
Ijoollee Wareegamtootaaf Jecha ... Nagaa Bara ammaa silaa martuu bakka maratti muldhata. Oromiyaan ganna shan…
December 10, 2023 Leenjiso Horo This article addresses the issue of the Oromo failure to…