Categories: Oduu Oromiyaa

Ibsa ejjennoo: Miseesotni ABO Konyaa kaaba Norway irraa

Guyyaa: 07/03/2015

Kutaa ABO Sikandiiniviyaattiif:

Akkuma duraandursinee isiniif ibsuu yaallee guyyaa hara’aa, 07/03/2015 hawwaasni Oromoo kaaba Norway akkasumas miseensonni fi deggertootni ABO magaalaa Harstad itti  geggeeffataniin dararaa fi dhiittaa mirga dhala namaa daangaa hinqabne mootummaa abbaa irree Wayyaaneen uummata Oromoorra ga’aa jiru bal’inaan irratti mariyataniiru. Walgayii kanarrattis miseensi gumii sabaa fi abbaan jaarmiyaa ABO naannoo Awurooppaa, jal Jireenyaa Guddataa toora skype irratti hirmaattota walgayichaaf haasaa bal’aa godhaniiru. Xumura irrattis hirmaattotni walgayii kanaa ibsa ejjennoo armaan gadii baafatanii walgayyii guyyaa har’aa raawwataniiru;

Ibsa ejjennoo:

  1. Nuti hawwaasni Oromoo kaaba Norway,miseensotni fi deggertootni ABO magaalaa Harstad irratti walgahuudhaan dararaa mootummaan abbaa irree Wayyaanee uummata keenya irra geessisaa jiru itti dirmannee waan danda’amu hundaan uummata keenya cinaa dhaabbachuuf waadaa nigalla.
  2. Master plaanii Finfinnee mootummaan abbaa irree wayyaanee saba keenya lafarraa buqqisuuf qabeenya uummataa saamuuf waan ta’eef hojiirra akkahin’oolle nimormina akkasumas dhaadanno fi aggaammii duguuggaa sanyii gidduu kanaa karaa Abbaayi Tsahaayyee uummata keenyarratti karoorfame haalaan nibalaaleffanna, karaa barbaachise dura nidhaabbanna.
  3. Rakkoon uummata keenyaa kan furmaata argatu uummanni keenya mirga hiree ofii ofiin murteeffachuu yoo argate qofa akka ta’ee waan amannuuf dhaaba qabsoo uummata Oromoo geggeessaa jiru, ABO cinaa hiriirree dirqama barbaachisaa ta’e nifudhanna, nibaana.
  4. Sagalee uummata keenyaa akka dhagayamuuf miidiyaan barbaachisaa waan ta’eef miidiyaa uummata keenyaa, OMN maallaqaan tumsuuf nihojjenna.
  5. Sochii qeerroo bilisummaa Oromoo biyya keessatti geggeeffamaa jiru waan hundumaan nideggerra.

 

Injifannoon uummata Oromoof !

Koree qindeessitota walgayicha irraa

 

bilisummaa

Recent Posts

Shaakala barnoota Afaan Oromoo

Jecha sirrii faallaa maqibsaa tahe fili!

6 days ago

OLLAA & Word BEYOND War Launch Campaign For Peace in Southern Ethiopia

U.S. Secretary of State Antony Blinken's upcoming visit to Addis Ababa, Ethiopia on March 15…

7 days ago

A call on the Oromo elites to promote Oromo Extermination Memorial Day

By Leenjiso HoroMarch 13, 2023This call on the Oromo elites is to urge them to…

7 days ago

Gargaarsi uummata Booranaa hongeen miidhameef ergame hannaan gurguramaa jira.

Gargaarsi uummata Booranaa hongeen miidhameef geeffamaa ture gariin gara baadiyyaa dhaqqabaa hin jiru, kaan ammoo…

2 weeks ago

Oromo Orthodox Split: A Collision Between Politics and Faith

By Sooreettii Kadiir The formation of the Oromo Orthodox Synod signals greater shifts that have…

2 weeks ago

SEENAA GAMMACHUU QAMALITTII: Kutaa Sadaffaa

                             …

3 weeks ago