Oduu Oromiyaa

Pirezdaantii OSA: Wanti Jawaarirratti raawwatame shiraas, loogiis, yakkaas

Haqni Afaan Qaban, Funyaanin Dubbata jedha Oromoon yoo mammaaku. Uggura hoggansa OSAtiin raawwatameen wal qabatees kan tahe kanuma. Namoonni hedduun shira raawwatame sana harka irra qabuudhaaf / defend godhuudhaaf/ yaalii guddaa godhan. Irra deddeebi’anii nu amansiisuudhaaf yaalii guddaa godhan. Garuu dhugaan nuti dhaabbanneef waan isaan dandamachuu dandahan hin taane. Silas, waan bu’uura haqaa hin qabnerratti cichinee hin morminu.

Pirezidaantii OSA kan tahan Dr. Eebbisaa Aadduunyaa miidiyaatti gadi bahanii wanti raawwatame shiras, loogiis, yakkas akka tahe ifaan ifatti dubbataniiru. Akka Pirezidaantiitti kabajaan keessummoota kabataa godhee Jawaar fa’aaf affeerraa kan taasise isaan akka tahan, kana godhuudhaafis aangoo kan qaban akka taheefii Boordiin aangoo isaa malee uggura sana raawwachuu ifatti dubbatan. Marii Boordii waliin taasisaniinis namoonni tokko tokko mormii kaasan dhagaheera. Mormiin isaan kaasan garuu waan na amansiisuu dandahu hin turres jedhan. Hunda caalammoo OSAn dhaaba daneessummaan / divetsityn/ keessatti hin muldhanne akka taheefii sanis sirreessuuf yaalii guddaa akka godhaa jiru addeesse.

Mormiin isaan kaasan na amansiisuu waan dideef, ana dhiisanii na duuba wal gahanii mari’atanii uggura sana raawwatan kan jedhe Dr. Eebbisaan, gama kiyyaan Jawaariin dhiifama guddaan gaafadha, Ummannis Jawaar qofarratti osoo hin tahin daba anarrattis raawwatame naaf hubachuu qabas jedhaniiru. Gaafiif qeeqni Ummatarraa ka’es guutumaan guututti sirrii tahuu eeranii Boordiin uggura kana raawwate maalif akka raawwate gadi bahee Ummataaf ibsa kennuu qabas jedhaniiru. Dabalata saniitiin Qaamni Hoggansa OSA walii galaa / General Bodyn/ dhimma kanarratti mari’atee namoota yakka kana raawwatan irratti tarkaanfii fudhachuu qabaa jedhaniiru.

Anis, Dr. Eebbisaan gadi bahanii rakkoo uumamte ifaan ifatti Ummatatti himuu isaanitiiif galatoomaaa jechuuniin barbaada

Kanuma

Keenyas Oluma

Hawi Anolee

bilisummaa

Recent Posts

Univarsitii Haroomayaa ummata keenya ni fayyadde moo itti fayyadamte?

Baruumsi bu'ura jireenya ilma namaati. Barnoonni bu'ura waa hundaati. Manni barnootaa naannoo kee jiraachuu jechuun…

2 days ago

The Conflict Testing Ethiopia’s Nobel-Winning Leader

The Conflict Testing Ethiopia’s Nobel-Winning Leader

2 days ago

The Security Challenges Of Addis Ababa Escalate Internally And Externally

For several months, Ethiopia has witnessed an escalation of threats on various fronts, both internal…

2 weeks ago

Reactions to the Ethiopian conflict

In a sign of growing concern in Washington about the Civil War in Ethiopia, the…

2 weeks ago

Ethiopia’s economy struggles as war reignites in Tigray

NAIROBI, Kenya — Once home to one of Africa's fastest-growing economies, Ethiopia is struggling as…

2 weeks ago

OLLAA WELCOMES CALLS FOR A PEACE SOLUTION AND URGES ETHIOPIA-WIDE PEACE PROCESS

On September 11, 2022, the Government of Tigray External Affairs Office released a statement indicating their willingness…

2 weeks ago