Arra maalin dhagahe
maaltu maal ta’e?
Mataan na oowwee
garaan na boba’ee
Obseen dadhabee
imimmaan harca’ee
Teenya tun na dhibdee
maaltu nutti bu’e?
Akkan hin callifne
garaan na gubatee
Akkan hin dubbanne
walitti laaqamtee
Wanni Oromoodhaa
ji’a saddeet taatee?
Har’a tan jaaramte
boruma diigamtii
Tan abdiin eeggannus
dirreerratti haftii
Irratti gad-neeynee
tan itti dhadhahanne
Argannee gammadaan
tan itti dhadhaaddanne
Dirretti hambisuuf
guyyaa lakkaayyannee
Maaltu nutti bu’ee
tana hunda mudanne?
Duuba Iccitii maaliitu
keessatti dhokate?
Dubbii ifa baasaa
callisuun maa taate?
Namuu tokko tokkoon
harka keessaa fuudhee
Duubaan maaltu jira
maaltu akkas godhe?
Bilisaan Ifaan ifatti
dhugaa sabaaf himaa
Akkas ta’uu baannaan
teenya humaa humaa.
Fala haa barbaaduu
namuu huluma jirutti
Callisuun hin taatu
dhimma nu maraatii!
~~~~~~~~~~~~~~~
By Sirkanan Ahmed
Koreen dhoksaan ajjeestuu maqaa nageenyaatiin MNO keessatti Mummicha Ministeeraatiin hundaa'ee fi Obbo Shimallis Abdiisaatiin kan…
Haabtaamuu Tasfaayetiin: Tibba darbe kana mariin Paartilee siyaasa Oromoo jedhu kan kanaan dura bara cee’uumsaa…
Galgala sa’aatii 2:00 (8:00) irratti balaan kun naannoo Buufata durii (Aroge-Mannahaaraa) jedhamu,Masjidannuur cinatti suuqii fi…
Ofii Abbootii Gadaa 74 baallii waliif dabarsaa asiin geessisan beektu? Haala duudhaa isaa eeggateen waggoota…
Ijoollee Wareegamtootaaf Jecha ... Nagaa Bara ammaa silaa martuu bakka maratti muldhata. Oromiyaan ganna shan…
December 10, 2023 Leenjiso Horo This article addresses the issue of the Oromo failure to…