Oduu Haaraya

FILUUN BOORTAAN TAATU!

Najiib Zannuun irraa

Filuun boortaa mitii
Dabbasaan tan abbaatii
Feetu gudureeysuun,
Feetu goofareeysuun,
Murtiin mataa keeti.
Tan sabaatii mitii
Kanniisa hin filadhu!
Isas hin jaaladhu!

Anaaf deeymeeysitee?
Ofiif deeymeeffattee
Ofumaaf wal yaamtee,
Goda galtee nyaatte.
Hedduu nu illeessitee
Waan nu goote beeytaa
Amma afaan bantee
na filadhu jattaa?

Akkamiin dagattee?
Kajeellaan yakkitee,
Du’a na afeertee,
Ka munneen idditee,
Summii nattii nayxeen
Ija koo jaamsitee,
Harka iiteeysitee,
Ka dire dagatus
Godannisni haftee
Maal keettu dagatee
Nan dagadhe seetee?
Lamuu na kajeeltee…….???
hahahahahahahaha
Kanniisa hin filadhu!
Isas hin jaaladhu!

Filachuu barbaadu
Ifiifan filadhaa
Siinin mari’adhaa?
Filuun boortaan taatuu
Kan filamuu qabu
hunduu haa hubatu.

Harkaat harka dhiqaa
Xurii sirraa haqaa
Dura filuun harkaa,
Harkakoo kan mirgaa
Roorroos narraa dhoorkaa,
Borullee naaf ragaa.
Harka ittiin qabadhu,
Filtuu ittiin filadhu,
Waafa samii dhaabee
Filtuu itti darbee
Kan qabatee laalu
Harkumaatu tolaa
Isaatu naan jaalaa
Kanaaf harkan fila!

Kana tahuu baatee
Ulee fi gaashiree, du’aaf yoo dharraate,
Filadhu Wayyaanee,tan lafa buqqiftee…
Waardiyaa si muddee,qabeenyakee saamte.
___________________________
Najiib Zannuun

About bilisummaa

Yaa rabbii ilmaan Oromoo haqa garsiisi warra haqa isaa ka dhabe karaa haqaatii fii gootummaan ifirratti falmatee deeffatu godhi!! Baha, Dhiha, Kaabaa fii kibbatti sagalee keenya tokko nuuf taasisi yaa waaqa!!

Check Also

Qeerroon lafaa ol ka’i mirga kee kabachiisi Hayyoota keetis hiksisi

PRO.Mararaa Guddinaatiin Yaa Saba Bal’aa !! Akkuma beekamu yeroo ammaa kana haala rakkisaa fi yaaddessaa …

Leave a Reply

Your email address will not be published. Required fields are marked *