Gariin mataan du’ee
Qaata awwaalmee.
Seenaa tokko hinqabuu
ilma abaaramee.
Rabbi nurraa darbee
Nukeessaa haqamee.
Garii hin agarree
Bakka isiin buutee.
Lubbuun ima jirti
Ufii jiruu Duutee
Hafuurri hunjiruu
Jiruun awwaalamtee.
Dhabama haataatuu
Daaraa bubbeen fuutee.
Gariin ammas jirtii
Warri ija burree.
Kan ba’aa hindadhabne
Akka sanyii harree.
Warri yoo ilaalan
Dhaabbanni gurguddaa.
Warra nama nyaatu
Bulguu ija buudaa.
Maaltu isii dhibee
Akkana foolattii.
Akkaa saree maraattee
Asiif achi kaattii.
Murtii diinaa baattee
Waliin gugguftii.
Akkuma warra durii
Rabbi isii haa salphisuu.
Waan hojjatte keessaa
Qullaa isii haakaasuu.
Dhiigni qaama isii
Gogee haadhaabatuu.
Dhukkubni hinjirre
Isii haa argatuu.
Sammuu isii qabee
Nurraa haa darbatu.
Maaljedheen abaara
Jechumayyuu dhabee
Gochaa jaraa santuu
Garaa kiyya gubee
Waan jettaniin jedhaa
An asitti dhaabee.
Hanga walaloo biraatii walgarrutti
Nagayatti!!
