Oduu Haaraya

VOA. Lola ABO fi Waraana Itiyoopiyaa

Jaallannee Gammadaa

Dilbata darbe Naannoo daangaa Itiyoopiyaa fi Keeniyaa irratti waraana mootummaa Itiyoopiyaa fi adda bilisummaa Oromoo gidduutti wal waraansi geggeeffamuu isaa gaazexaan Keenyaa “Standard ” jedhamu marsariitii isaa Standard digital jedhu irratti beeksisee jira. Kana irratti VOAn afaan Swaailii illee waraanni mootummaa Itiyoopiyaa daangaa ce’ee Keeniyaa keessatti haleellaa geggeessuu isaa gabaasee ture.

Gama kaaniin garuu ABOn kan tarkaanfii waraanaa fudhanne biyya keessatti jedha. Wal waraansa geggeeffameen waardiyyaan mana barumsaa sadarkaa duraa tokko ajjeefamuu fi hospitaalli Moyaalee haleelamuu marsariitiin kun hubachiisee jira.

Loltoonni Itiyoopiyaa ammaan dura yeroo adda addaatti daangaa Keeniyaa seenaa akka turan komiishinerri konyaa Marsaabit Piitar Tukuu ibsanii jiru.

Gama kaaniin Addi Bilisummaa Oromoo duula waraanaa kan geggeessu lafa Oromiyaa irra qofa ta’uu dubbi himaa kan ta’an obbo Toleeraa Adabaa ibsanii jiru.  Garuu mootummaan Itiyoopiyaa daangaa ce’uun Oromoota Keeniyaa keessaa hiraarsuun waan baratame jedhan.

Mootummaan Keeniyaa hidhattoonni ABO Keeniyaa keessa hin jiran jechuu isaa marsariitiin “Standard Digital” ibsee jira.

Gabaasa guutuu armaan gaditti caqasaa

 

About bilisummaa

Yaa rabbii ilmaan Oromoo haqa garsiisi warra haqa isaa ka dhabe karaa haqaatii fii gootummaan ifirratti falmatee deeffatu godhi!! Baha, Dhiha, Kaabaa fii kibbatti sagalee keenya tokko nuuf taasisi yaa waaqa!!

Check Also

Murtiilee Konferensi Gurmuu Hayyoota Oromoo (GHO) 15.08.2020

Nuti, kanneen yaa’ii guyyaa hardhaa 15.08.2020 mataduree “Beekumsa hidhachuudhaan Oromoo fi Oromiyaa roorroo diinaa irraa …

Leave a Reply

Your email address will not be published. Required fields are marked *