Nu haa baraaru;
Jedhee jechisiisaa
Godhee goosisaa
Kan afaan hammaatu
Kan mataa jabaatu
Hamiinis kan nama nyaatu!!
Nu haa baraaru
Nyaapha gargaaruu
Fira ammoo dararuu!!
Garaa quufee afaan hamatu
Kan keessa dabre raatuu
Kan mammaraatu
Kan olii gadi kaatu
Dureessa hiyyeessa hatu
Kan garaa jabaatu
Alagaa hammaatu
Nu haa baraaru
Dureessa quufee bacaaruqe
Isa kaanii kaan qaaqe
Osoo Rabbi galmee irraa haqee!!
Maraataa dhagaa baatu
Kan nama nyaatu
Nu haa baraaru
Hamii bakkarra taru
Dureessa hiyyeessa dararu
Quufa keessa taru!!
Kan nyaata hin quufnee
Kan safuu hin beekne
Kan ofiifuu hin taane!!
Nu haa baraaru
Kan nama dararu!!!!
GAMTEESSAA SABAA
