Qabsoon itti-fufa
Cimsee itti-fufa
Alaa-manaa itti-fufa
Gaaraa-dakaa itti-fufa
Gabroomfataan burkutaayee kufa
Bilisummaa
Sululawwanii fi laggeen mara labee
Bosonotaa fi gaarran cufa dhaqqabee
Uummata hunda olkaasee
Dachee sochoosee, raasee
Uummata hunda olkaasee
Dachee sochoosee, raasee
Roorrisaa akkaan dhamaasee
Qabsoon jabaatee-woo itti-fufa
Koloneeffataan isa dhumaa kufa!
Uummanni walitti tokkoomee
Inni biyya ofiitti gabroome
Karaa maraan of-ijaaree
Hidhannoon of-jifaaree
Walqabatee olka’a
Harqoota gabrummaa
Caccabsee achi ha’a!
Xiqqaa-guddaan cufti
Hunduu wal-utubuun waltahee tarkaanfata
Impaayerittii diigee OROMIYAA jaarrata!
Abadan dhiigni ijoollee teenyaa
Hardhaa kaasee Oromoon adabateen rafu
Ni tokkooma akka goondaa
Ni hidda akka kanniisaa
Yeeyyii dhiiga xuuxxuu yoom dhisaa?
Itti-fufa qabsoon
Qeyee haadha Siiqqee hunda dhaqqabee
Gabroota olkakaasee
Sansalatoota irraa-baasee
Oromummaan olkakaasee
Obbolummaan wal-ammachiisa
Birmaduu taasisuun dhaabachiisa!
Birmaduu taasisuun dhaabachiisa!
Dhiigni keenya faca’ee
Lafeen keenyas harca’ee
Qabsoon keenya itti-fufa
Tokkummaa fi seexaa keenyaan
Sammuu fi irree keenyaan
Bilisummaan nuuf dhufa!
Kakuu-dha; laguu-dha
Oromiyaa qarriffoo-saanii keessatti hin dhiifnu
Otoon walaabomin lakkii, hoomaa hin ciifnu
Geerraraa qabsoofna
Qabsaawaas geerrarra
Qawwees ni qabanna
Qawwees ni qabanna
Qalamas ni baanna
Ee, dirra gabrummaa
Karaa hundaan dhaanna!
Egaa qabsoon itti-fufa
Jabaatee itti-fufa
Walabummaan Oromiyaa
Walabummaan Oromiyaa
Bilisummaan harmeeyaa
Dhiiga keenyaan dhufa!
************** // **************
Barliin, 20. 11. 14
