Bara balleeysinu shiraa fii jallina
Bara tokkummaa – bara nageenyaa
Bara lagannu wal jibbaaf hammeenya!
Bara badhaadhinaa – bara quufaa
Bara dhabamsiifnu vaayrasii hinaaffaa!
Bara callaa malee fageeysinu baaqa!
Bara araaraa – bara milkiidhaa
Bara dhaabbattu ajjeechaafi hidhaa!
Bara dhageenyu waan gurraaf tolaa!
Bara injifannoo – bara bilisummaa
Bara irra aanu dhaloonni ammaa!
Bara irraa maayyii cunqursaafi roorroo
Bara walin qoonne – bara walin komanne
Bara hiddaan buqqaafnu jalee fii Wayyaanee!
Bara bilisoomnee abbaa biyyaa taanu,
Bara kan faffacaane walitti dachaanu,
Bara Aadaaf Afaan keenyaan boonnu,
Bara sirna gadaa deebifnee gad dhaabnu,
Akka nuuf tahu hawwiif fedhiin qabnu!
Barri bara nagayaa fii milkiiti!
Gadaan gadaa bilisummaati!
