Matimoota matim-mul’istuu hin maxxanfanne
Matimonni dubbifamtuudhaan ykn dubbachiiftuu “A”, “I”, “U” ykn “O” dhaan xumuraman, matim mul’istuu hin maxxanfatan.
Fk
Aannan, Ziwaay, Mar’imaan, Saddeet, Shaggar, Anfillo, Gudar, Aggaaro, Dadar, Mattu, Yaabello, Jibuuti…..kkf
Fk
Aannan gaalaa, ni dhangaggaawa.
Shaggar roobaan wal hin dhabu.
Guji, kibba Oromiyaa keessa lee’a.
Saddeet sagalirra hin caalu.
Dachaas, Waday, Gammachiisiifi Galaan laansoota kiyya.
Roobe, Salaale, Naqamtee, Aggaaro, Yaabeello, Anfillo, Calanqo, Ciro, Carcar, Mugariifi Dadar, maqalee bakkaati.
Waabe, Gannaale, Hawaas, Mormor, (abbayya) Raammisiifi Faafam maqaalee laggeeniti.
Tu
Matim-mul’istuun tuni, haalaafi akkaa gara kophaati qabdi. Fakkeenya kanatti aanu qalbisi.
Fk
1 Anaatu si yaame
2 Hargaayatu natti hime.
3 Hargaayaafi Sabboontuutu dhufe.
4 Deemuutu irra wayya.
5 Huqqinaatu tuffachiise
6 Harkaa waa dhabaatu fuula namaa na dhaabe.
7 Laphaa lapheetiitu na dhukkuba.
8 Makiinaatu namicha galaafate.
9 Namaatu dhaqqabee irraa na baase.
10 Gammoojjitu baddaarra nama miidha.
11 Mar’imaaniitu na madaawe.
12 Dargaggeeyyii shaniitu du’e.
Himmeen kudha-lameenuu, deebii gaaffiilee kanaa gadii tahuu isaaniitiis qalbisi.
Eenyuutu nayaame?
Enyuutu sitti hime?
Eenyuufi eenyuutu dhufe?
Maltu irra siif wayya?
Maaltu isa tuffachiise?
Maaltu fuula namaa si dhaabe?
Maaltu si dhukkuba?
Maaltu namicha galaafate?
Eenyuutu harkaa si baase?
Gammojji moo baddaatu fayyaa nama miidha?
Maaltu si madaawe?
Nama meeqaatu du’e?
Hariiroon ’tu’ n sagalee birsaga maaheeysaatii wajji qabattuufi akkaata jechootarratti itti maxxantu.
Sagalee dheertuu + tu
